سلطة بشكل راقي بمكونات جد بسيطة

المقادير:
 
-بيري البطاطس غنحتاجو فيه 6 بطاطات متوسطين مسلوقين و مطحونين فالطحانة اليدوية +مليحة+شوييية زيت زيتون+ شوية فرماج احمر محكوك نخدمو معاها هادشي و هي مازالة سخونة
-3 خيزو مسلوق و محكوك غليظ
-3 باربا مسلوقة و محكوكة غليظة
-روز مسلوق مع مليحة و مصفي
-مايونيز

للتزيين:

-مايونيز
-بيضة مسلوقة محكوكة 
-كاشير محكوك


الطريقة:


في صحن نفرشو ورق سولفيريزي و نحطو الاطار لي غنمونطيو فيه السلطة
نفرشو طبقة من معجون البطاطا و نطلعوه حتى لجوانب الاطار كما فالصورة و ندخلوها للثلاجة 15 دقيقة
نخرجوها و نديرو طبقة ديال الجزر ثم طبقة روز مخلط مع المايونيز ثم طبقة ديال الباربا و مرة اخرى طبقة من الروز مع المايونيز
و في الاخير نسدو بطبقة من معجون البطاطا و نضغطو برفق بيدينا و نرجعوها للثلاجة 30 دقيقة
نخرجوها و نقلبوها فطبق التقديم و ندهنو ها كاملة بشوية مايونيز نرشو البيضة المحكوكة على الوجه و نزينو الجوانب بالكاشير

و بالصحة و راحة